Сiз сайттың ескi нұсқасында отырсыз. Жаңа нұсқасына ɵту үшiн келесiнi басыңыз

«С.Сейфуллин және Алаш арыстары» атты танымдық кеш

2019 жылғы 10 сәуірде  С.Сейфуллин атындағы Қазақ агротехникалық университетінде «Қазақстан тарихы» кафедрасының аға оқытушысы, тар.ғ.к., Л.Т.Джумалиеваның ұйымдастыруымен  С.Сейфуллиннің 125 жылдығына орай  «С.Сейфуллин және Алаш арыстары» атты танымдық кеш өтті.

Шараға Сәкен Cейфуллин мұражайының алғашқы директоры Роза Асылбекова және «Атамекен Қазақстан картасы» этно-кешен мұражайының экскурсия бөлімінің басшысы Азамат Мәлжанбай қатысты. Кеш қонақтары  Сәкен Сейфуллиннің  өмірі мен қызмет еткен еңбегі жайында және қазіргі уақытта қалай зерттеліп жатқандығы туралы өзінің зерттеулерінен көптеген маңызды мәліметтермен бөлісті. Кеште Сәкен Сейфуллиннің музыкалық мұраларын зерттеуші дәстүрлі әнші Серік Оспанов Сәкен әнін орындады.

Сонымен қатар, АТТ-1802 тобының студенттері Д.Шәдібек, А.Жолдасбек, Е.Қуанышев қоғам қайраткерінің өмірі мен атқарған істеріне тоқталса, техникалық және энергетикалық факультетінің студенттері Ә.Сексенбай, Т.Қуандықова,  Е.Қарақабақов, С.Авлайхан Сәкен Сейфуллиннің өлеңдерін оқыды. Студенттер С.Сейфуллин туралы шағын-көрініс арқылы өз ойларын жеткізе білді.                                                

Іс-шара соңында С. Сейфуллиннің өмірі мен қызметіне арналған фильмдер көрсетілді.