Сiз сайттың ескi нұсқасында отырсыз. Жаңа нұсқасына ɵту үшiн келесiнi басыңыз

Сәкен Сейфуллин және тарих беттері

2019 жылы 1 ақпан күні С.Сейфуллин атындағы Қазақ агротехникалық университетінде, Жастар жылына орай, гуманитарлық факультет деканы Х.А.Аубакированың ұйымдастыруымен «Сәкен Сейфуллин және тарих беттері» атты тақырыпта сәкентанушы ғалым Марат Оралбайұлы Абсеметовпен  университеттің бірінші курс студенттері кездесті.

Кездесу барысында Марат Оралбайұлы студенттерге Сәкен Сейфуллиннің қазақ кеңестік мемлекеттілігінің қалыптасуы мен дамуына қосқан үлесі жайлы сыр шертті. Сәкен Сейфуллин алғашқылардың бірі болып, экономикалық, ауылшаруашылық мамандығы бағыттында ұлттық кадрларды даярлау мәселесіне  ерекше назар аударды. Қазақстандағы қаржы жүйесі, банк пен сақтандыру ісін ұйымдастыру, мемлекеттік құрылымдардың құрылуы, республиканың тұңғыш Жер Кодексін дайындау мен қабылдау, тұтынушылар мен ауылшаруашылық кооперацияның, авиацияның дамуы оның есімімен тығыз байланысты. Марат Оралбайұлы Сәкен Сейфуллин тұлғасын ұлықтап, оның патриот, өз халқының қайта өркендеуіне  орасан зор үлес қосқан алдыңғы қатарлы көсем ретінде көрсетті.

Марат Абсеметов – көрнекті ғалым, қоғам қайраткері, «Сакен Сейфуллин – Председатель Совета Народных комиссаров Казахстана (г. Оренбург, 1922-1924 гг.)» (Астана, 2006)   кітабының авторы.