Сiз сайттың ескi нұсқасында отырсыз. Жаңа нұсқасына ɵту үшiн келесiнi басыңыз

«Сәкен Сейфуллиннің жастардың прогрессивті көзқарастарын қалыптастыруға қосқан үлесі» тақырыбындағы дөңгелек үстел туралы ақпарат

2019 жылы 15 сәуірде гуманитарлық факультеті Қазақстан тарихы кафедрасының доценті, тарих ғылымдарының докторы Г.А.Алпыспаева және т.ғ.к., аға оқытушы Ш.Н.Саяхимованың ұйымдастыруымен С.Сейфуллиннің 125 жылдық мерейтойына арналған «Сәкен Сейфуллиннің жастардың прогрессивті көзқарастарын қалыптастыруға қосқан үлесі» тақырыбында дөңгелек үстел өткізілді.

Тарих онкүндігі аясында өткізіліп отырған дөңгелек үстелге бірінші курс студенттері қатысты және «Астана - тәуелсіз Қазақстанның символы» атты тарихи үйірмесінің мүшелері шақырылды. Дөңгелек үстелге қатысушылар: «Сәкен Сейфуллиннің білім беруді дамытуға қосқан үлесі», «Сәкен Сейфуллин және қазақ жастарының марсельезасы», «Сәкеннің шахмат мектептерін ұйымдастыруға қосқан үлесі» және «Сәкен және жастар ұйымдары» атты тақырыптар талқыланды. Қорытындысында «Сәкен және жастар» тақырыбында викторина өткізілді.